بو گون آذربایجانلیلار عادل فردوسی پورون و 90 پروفرامی نین جاوابی نی وئردیلر (شکیل)

 

جمعه  ۲ بهمن ۱٣٨٨ -  ۲۲ ژانويه ۲۰۱۰

 

اویرنجی: بو گون تبریز شهری جیدی بیر هیجان یاشادی. 150 مین ده ن آرتیق گنج آذربایجانلی سهند آدلی فوتبال مئیدانینا توپلاندیلارکی تورکلرین افتحاری اولان تیرختور تیمی نی بیر داها تشویق ائتسینلر.

90 آدلی پروقرامین سونوجوسو اولان عادل فردوسی پورون آنتی تورک داورانیشی تکجه تبریزلی لر دئییل بلکی بوتون تورکلرین ناراحاتلیغینا سبب اولموشدور. عادل فردوسی پور 90 آدلی پروقرامدا ساختاکارلیق لا آذربایجان دان گلن قیسا مئساژلارین قارشی سی نی آلاراق پلانلادیغی سس توپلاما یاریشیندا فارسلارا عاید اولان پرسپولیس و استقلال تیم لرینین تیرختوردان نئچه قات چوخ طرفداری اولدوغونو ادعا ائتمیشدیر. بو فاشیستی داورانیشلا بیرلیکده کئچن هفته تهراندا بیر فارسین قیرمیزی یا بویانمیش بیر گویرچی نین باشی نی اوزمه اولایی 100 مینده ن آرتیق اینسانین سهند استادیومونا توپلانماسی نا بهانه یاراتمیشدیر.

بو گونکو اویوندا تیراختور تیمی نه قده ر گوزه ل اویاناسادا تاسف له شیرازلی لارین فجرسپاسی آدلی تیملرینه گل وورابیلمه دی. آنجاق آذربایجان میللتی بیر داها اوز وارلیغینا جیدی شکیلده صاحیب اولدوغونو فارس شونیزمینه بیلدیرمیش اولدو.  100 لر پلاکاردا دا 90 آدلی پروفراما اعتراض اولوندو و بیرچوخ گویرچین مئیداندا اوچدورولدو.

بو گونکو اویوندا تورک میللتی عادل فردوسی پورا قارشی سرت شعارلار سسلندیردیلر. "یاشاسین آذربایجان" و " آذربایجان وار اولسون ایسته مه ین کور اولسون" شعارلاری فارس شونیزمیننین جانینا ولوله سالدی.

آشاغیدا سونولان شکیللر تک باشینا بوگونکو اولایی و میللتیمیزین اویاق اولدوغونو اثباتلاماقدادیر. 

 

     آخرین نظرات خوانندگان