28  مای آذربایجان خالق جومهوریتی‌نین 91-جی ایلی قوتلو اولسون

پنج‌شنبه  ۷ خرداد ۱٣٨٨ -  ۲٨ می ۲۰۰۹

اویرنجی: بو گون آذربایجان خالق جومهوریتی‌نین یارانماسینین 91-جی ایلی تامام اولور. 1918-جی ایل مایین 28-ده قازانیلمیش ایستیقلالیتین عؤمرو جمعی 23 آی سورسه ده، موستقیل‌لییه آپاران یول هئچ ده آسان اولماییب.

"بیر کره یوکسه‌لن بایراق بیر داها ائنمز". بو، آذربایجان خالق جومهوریتی‌نین بانی‌سی محمد امین رسول‌زاده‌نین موباریزه‌سی‌نین باش‌لیجا شواری ایدی.

 

1918-جی ایلین مایین 28-ده آذربایجان‌لی‌لار ایلک دفعه اولا‌راق دئموکراتیک پرینسیپ‌لره سؤیکنن میللی-مدنی اساس‌لارا دایانیق‌لی دؤولت قوردولار. بو، بوتون شرق و تورک دونیاسیندا ایلک دئموکراتیک خالق جومهوریتی ایدی. آذربایجان خالق جومهوریتی‌نین یارادیلماسیندا محمد امین رسول‌زاده، علی مردان بی توپچوباشوو، فتحعلی خان خویسکی کیمی داهی شخصیت‌لرین بؤیوک امیی اولوب.

 

"رسول‌زاده" مرکزی‌نین سدری نسیمان یاقوب‌لونون سؤزلرینه گؤره، آذربایجان‌لی‌لارین موستقیل‌لیک اوغروندا موباریزه‌سی اساساً 3 مرحله‌دن عبارت اولوب: مدنی موختاریت اوغروندا؛ محل‌لی موختاریت اوغروندا آپاریلان موباریزه؛ ایستیقلالین گئرچکلشدیریلمه‌سی مرحله‌سی. اساس موباریزه‌نین 2-جی مرحله‌دن - 1917-جی ایل روسیادا باش وئرن فئورال بورژوا اینقیلابین‌دان سونرا باشلادیغینی بیل‌دیرن جناب یاقوب‌لو بو مرحله‌نین 1918-جی ایلده ایستیقلالیتین الده اولونماسی ایله سونا چاتدیغینی وورغولاییر.

 

او زامان آذربایجان رئسپوب‌لیکاسینین 114 مین کو کم اولان اراضی‌سی‌نین تخمینن 97 مینی بئینلخالق ایجتیمایت طرفین‌دن تانینیردی. قیسا مدت عرضینده آذربایجان اوردوسو یارادیلیر، دئمک اولار کی، بوتون ساحه‌لرده اصلاحات‌لار آپاریلیر. خصوصیله مطبوعات ساحه‌سینده آپاریلان اصلاحات‌لاری وورغولایان نسیمان یاقوب‌لو 1918-جی ایل نویابرین 19-دا مئدیادا سئنزورانین لغو ائدیلدیگینی بیلدیریر.

 

23 آی سورن ایستیقلالیته 1920-جی ایل آپرئلین 28-ده سون قویولور.

 

خالق جومهوریتی‌نین سقوطون‌دان سونرا موباریزه‌سینی خاریجده داوام ائتدیره‌رک 56 ایل اول – 1953-جو ایل مایین 27-سی آمئریکانین سسی رادیوسو واسطه‌سیله خالقا مراجعت ائدیر. نسیمان یاقوب‌لو دئییر کی، مطبوعات واسطه‌سیله خالقا مراجعت 35 ایللیک موهاجیرت دؤورونده محمد امین رسول‌زاده‌نین اساس موباریزه مئتودلارین‌دان اولوب.