|
|
||
تورکجه اؤیرتمنیم ایبراهیم بی ساوالانا -آلپرتوران
اینسان دیل ایله توپلوملا ایلگی قورور دیلین اؤیره نیلمه مه سی اونون توم یاشامینی ائتکیله یه رک ایلگی قورماغیندا چتینلیک لر یارادیر . اونا گؤره آنا دیلینین یازیب اوخوماسینی اؤیرنمک چوخ اؤنملی دیر. تاسف لرله بیزلر بو ایلکین حاقدان اوزاق قالمیشیق. بونون گرکلی اولماسی ایسه بیزی دیلیمیزی اؤیرنمک قرارینا گتیردی ، بو گرکجه نی یئرینه گتیرمک اوچون دیل کیلاسی قوردوق. هر هفته دیل کیلاسیمیز اولوردو. تورکجه یازماغی یاخشی اؤیرنمک اوچون هر دؤنه بیر قونودا اؤدو حاضیرلامالییدیق. تورکجه اؤیرتمه نیمیز ایسه یازدیغیمیز یانلیش سؤزلری گؤسته ره رک «گلن دؤنه بئله یانلیش لاراولماسین» دئیردی. او چوخ سئودیگیمیز اؤیرتمن، سایین ایبراهیم بی ساوالان ایدی. هر هفته کیلاس یئری دوستلارین بیری سینین ائوینده اولوردو. دوستلار منه زنگ ائده رک کیلاسین یئرینی اونلارا سؤیله یردیم بوهفته آرادیقلاری زامان اونلارا « بو گون کیلاس اولمایاجاق ، ایبراهیم بی توتولوب» دئدیگیمده تئلفون دالیندا بیرآز دوروخوب ندن توتولدو سورغوسونا جاوابیم ؛ بیلمیرم ایدی. یا بلکی بیلیرم، بلکی اونون باشقا اؤیرتمن لرله فرقلی اولماسی اونون توتولماق نده نیدیر بو باشقا اؤیرتمن لر کیمی بو ایش اوچون بیر یئردن پول آلمیردی اونون کیلاس لاری قورماق ندنی ایسه وطنی ایله دیلینه اولان سئوگیسیندن آسیلی ایدی. هه،ائله اونون اوچون توتولموش البت چونکو یاشادیغیمیز بوتورپاقدا،اؤز یوردونو سئومک بئله بیزلره سوچدور. بو هفته ده اؤده ویمی یازماغی اونوتماییب بو هفته کی یازیمی دوستلار طرفیندن چوخ سئودیگیمیز، وطن سئوداسی ایله یاشایان اؤیرتمه نیمیزه سونورام. آلپر توران |
||
